Մանուել Պետրոսյանը՝ ընտրական փուլի հաղթող

Ջերմուկում ավարտվեց Հայաստանի 74-րդ առաջնության ընտրական փուլ հանդիսացող երկրի տարածաշրջանային առաջնությունը: Մրցաշարի հաղթող դարձավ ՖԻԴԵ-ի վարպետության թեկնածու Մանուել Պետրոսյանը, որը 9 հնարավորից վաստակեց 7,5 միավոր,- հայտնում է armchess.am: Նրանից կես միավորով ետ մնացին միջազգային վարպետ Դավիթ Քալաշյանը և Գրիգոր Դիլանյանը:

Այս երեք շախմատիստներն իրավունք ստացան մասնակցելու Հայաստանի առաջնության առաջին խմբի մրցաշարին: