Գրիգորյանը՝ Ֆրանսիայի չեմպիոն

Ֆրանսիայի Մ-18 շախմատիստների չեմպիոնի կոչումը նվաճել է հայազգի Ռուդոլֆ Գրիգորյանը:

Ինչպես տեղեկացնում է Հայաստանի շախմատի ֆեդերացիայի պաշտոնական կայքը՝ Սեն Պոլ Թրուա Շաթո քաղաքում անցկացված առաջնությունում Գրիգորյանը 9 հնարավորից վաստակել է 7,5 միավոր և արժանացել առաջին մրցանակին:

Առաջնությունում աչքի է ընկել ևս մեկ հայ շախմատիստ` Գարի Ժիրոյանը: Նա հաղթողից ետ է մնացել միայն կես միավորով և բաժանել է 2-4-րդ տեղերը: Լրացուցիչ ցուցանիշներով Գարին 83 մասնակիցների մեջ 4-րդն էր: